Listamaðurinn Anton Eyþór Rúnarsson eða arvo eins og hann er kallaður er þekktur fyrir að teikna stórar og litríkar myndir og yfirfæra þær á álplötur til að gefa þeim nýtt líf.

"Ég ætlaði aldrei að gerast listamaður, konan mín setti ljósmynd af mynd sem ég gerði á samfélagsmiðla og þannig byrjaði þetta.  Myndin seldist og fleiri fóru að senda á mig og biðja mig um myndir."

Allt frá litríkum ofhetjum frá Marvel og DC myndum yfir í bláa fugla og Star Wars.  Það er greinilegt að ímyndunaraflið fær að njóta sín alla leið þegar það kemur að álverkunum.